Gold Ridge gold mine long Central Guadalcanal long Solomon Islands (Credit: ABC)
Sam Seke | ABC Radio Australia
Wanpela liklik maining kampani blong Australia we i wokim mineral prospekting tu long PNG i wanpela long ol foran kampani we i laik joint venture wantaim landona kampani long developim Gold Ridge gold mine long Central Guadalcanal long Solomon Islands.
Odio: Walton Naezon, Chairman blong Gold Ridge Community Investment Limited i toktok
Gold Ridge Community Investment Limited kampani we i nau ounim dispela gold mine long i tok em i no bin sainim yet wanpela mining agrimen wantaim wanpela foran kampani.
Walton Naezon, Chairman blong Gold Ridge Community Investment Limited i tok ol i wok long toktok wantaim 10 pela foram kampani we i soin interest long dispela mine.
Mr Naezon i tok ol bai sainim joint-venture agrimen bihain ol i glasim gud ol foran kampani ia.
Em i tok ol i ken kisim sampela kampani we i wok long sampela eria blong maining, oa wanpela bikpela kampani long em yet i wokim maining.
Wanpela long ol kampani we i soim interest long tekova long Gold Ridge mine nau em i Frontier Resources.
Dispela i wanpela liklik mining kampani blong Australia we i okim exploration tu long PNG – tasol em ino wokim maining operesen blongen yet.
Walton Naezon i tok GCIL i gohet long lukluk long proposal blong Frontier Resources wantaim ol arapela.
Papua New Guinea Mine Watch 