PNG Solwara mining bai bagarapim kalsa na food securiti

Caroline Tiriman | ABC Radio | 19 December 2017

Wanpla  papa graon blong West Coast Namatanai long Papua New Guinea i askim strong gavman na Nautilus Minerals Inc long noken go hed wantem ol mining aninit long ol solwara blong Bismark Sea.

Joanthan Mesulam i mekim despla toktok taem oli wetim toktok ikam long kot em oli bin putim kot keis blong ol agensim gavman na Nautilus Minerals  long Port Moresby long wonem oli no laik givim ol pepa oa documents we oli tokaut stret long wonem ol kaen wok em oli laik mekim long despla hap.

Toktok blong en i kamap tu long wankaen taem we wanpla international  naturalist, Sir David Attenborough, i tokaut olsem emi no sapotim despla kaen wok mining.

Sir David Attenborough,husat igat bikpla save long ol wok blong environment olsem ol bush graon, solwara na ol animal na kaen kaen samting long graon  itok emi wari long despla kaen wok mining long wonem, nogat wanpla man long wold isave long ol wonem kaen heve bai kamap sopos asua i kamap long solwara.

Despla kampani blong Canada i laik mekim ol wok mining long ol solwara namel long New Ireland na East New Britain, tasol planti pipal i no laikim despla kaen wok long go hed.

Sopos despla mining igo hed, PNG bai kamap olsem nambawan ples tru long wold we despla kaen wok mining bai kamap long en.

Tasol, chief executive blong Nautilus Minerals  Mike Johnston itok oli mekim planti wok painimaut na oli lukim olsem nogat heve bai kamap long despla wok mining.

Tasol Jonathan Mesulam wanpla community lida na papa graon long West Coast Namatanai itok ol solwara emi bikpla samting tru long ol pasin tumbuna blong ol na tu long kaikai blong ol, olsem na oli no laikim despla mining long kamap.

Advertisements

Leave a comment

Filed under Environmental impact, Human rights, Papua New Guinea

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s